Portúgalinn Bruno Fernandes var með betri mönnum vallarins þegar Manchester United vann 2-0 sigur gegn Tottenham í ensku úrvalsdeildinni í gær.
Fernandes skoraði annað mark United í leiknum með góðu skoti. Það var markið sem innsiglaði sigurinn.
En það var ekki bara markið sem hann skoraði, hann var líka gríðarlega skapandi í leiknum.
Fernandes skapaði alls níu færi samkvæmt tölfræðimiðlinum Squawka en enginn leikmaður hefur skapað eins mörg færi í einum leik í ensku úrvalsdeildinni á þessari leiktíð.
Fernandes hefur ekki alveg náð að sýna sínar bestu hliðar á síðustu mánuðum en í þessum leik sýndi hann mikil gæði.
Athugasemdir
