Arnór Smárason.
Arnór Smárason er að ganga til liðs við uppeldisfélag sitt ÍA og mun hann taka slaginn með félaginu á næstu leiktíð.
Þetta herma heimildir Fótbolta.net en bróðir Arnórs, Sverrir Mar, gefur einnig í skyn á samfélagsmiðlum að leikmaðurinn öflugi sé á leið upp á Skaga.
Þetta herma heimildir Fótbolta.net en bróðir Arnórs, Sverrir Mar, gefur einnig í skyn á samfélagsmiðlum að leikmaðurinn öflugi sé á leið upp á Skaga.
Arnór er að renna út á samningi hjá Val og verður ekki framlengt við hann.
Arnór, sem er 34 ára, hefur leikið með Val frá því hann kom heim úr atvinnumennsku í lok árs 2020. Hann hafði spilað í atvinnumennsku í Hollandi, Svíþjóð, Danmörku, Rússlandi og Noregi áður en hann kom heim.
Hann er uppalinn hjá ÍA en hefur aldrei spilað keppnisleik með meistaraflokki félagsins. Það kemur til með að breytast á næstu leiktíð. ÍA er svo gott sem fallið og því góðar líkur á því að Arnór leiki í næst efstu deild á næsta tímabili.
Here we go💛🖤 pic.twitter.com/zmRzf5NJjV
— Sverrir Mar Smárason (@Sverrirsmarason) October 20, 2022
Athugasemdir
