Steven Gerrard var rekinn frá Aston Villa í gær eftir tæpt ár í starfi en Thomas Frank, stjóri Brentford, var spurður í þetta á blaðamannafundi í dag.
Gerrard tók við Villa í nóvember á síðasta ári er hann tók við starfinu af Dean Smith.
Hann var svo látinn fara eftir 3-0 tapið gegn Fulham í gær en hann er fjórði stjórinn sem er rekinn á þessu tímabili.
„Við erum allir tveimur leikjum frá því að fá sparkið. Guardiola og Klopp eru kannski þeir einu sem fá þrjá eða fjóra leiki," sagði Frank á blaðamannafundinum.
Frank er afar eftirsóttur stjóri og er meðal annars talið að Aston Vill hafi áhuga á því að fá hann.
Danski stjórinn er hins vegar í viðræðum við Brentford um að framlengja samning sinn. Núverandi samningur gildir til 2025.
Athugasemdir
