Dani Hatakka er mættur til FH
Finnski miðvörðurinn Dani Hatakka skrifaði í dag undir eins árs samning við FH en hann kemur til félagsins frá Keflavík. Þetta kemur fram í tilkynningu frá FH-ingum í dag.
Hatakka, sem er fæddur árið 1994, kom til Keflvíkinga fyrir síðustu leiktíð og spilaði 26 leiki og gerði 4 mörk í Bestu deild karla.
Finnski varnarmaðurinn hefur áður spilað fyrir norsku liðin Brann og Hödd ásamt því að spila með SJK Seinäjoki, Honka og Kups í heimalandinu.
Hann skrifaði í dag undir eins árs samning við FH og mun því spila með liðinu á næstu leiktíð.
Þetta er annar leikmaðurinn sem FH fær til Keflavík eftir tímabilið en markvörðurinn Sindri Kristinn Ólafsson gekk í raðir félagsins í síðasta mánuði.
Keflvíkingar hafa misst marga lykilmenn úr herbúðum sínum en Patrik Johanessen fór í Breiðablik á meðan Rúnar Þór Sigurgeirsson hélt til Öster í Svíþjóð, Kian Williams til Kanada og Joey Gibbs í Stjörnuna.
Dani Hattaka gengur til liðs við Fimleikafélagið!
— FHingar (@fhingar) December 23, 2022
Meira hér: https://t.co/cRoov3QTEQ pic.twitter.com/Z7oaR1WiFM
Athugasemdir
