Fotbolti.net
26.02.25 - 09:00
Elvar Geir Magnússon

Slot: Get ekki sætt mig við vinnuframlag Nunez

Darwin Nunez fær gagnrýni frá Slot.

Darwin Nunez fær gagnrýni frá Slot.

Canon

Mynd: EPA

Arne Slot stjóri Liverpool segir að hann geti ekki sætt sig við vinnuframlag Darwin Nunez í síðustu tveimur leikjum sem hann hefur spilað. Úrúgvæski sóknarmaðurinn kom inn af bekknum í sigri gegn Wolves og jafntefli gegn Aston Villa.

Hann var svo ónotaður varamaður í 2-0 sigri gegn Manchester City á sunnudag en þá náði Liverpool ellefu stiga forystu.
Martin Hermanns spáir í 27. umferð ensku úrvalsdeildarinnar
TENGT EFNI

Martin Hermanns spáir í 27. umferð ensku úrvalsdeildarinnar

Nunez klúðraði dauðafæri gegn Villa og Slot sagði að vonbrigðin hefðu haft neikvæð áhrif á vinnuframlag hans.

„Annan leikinn í röð var ég óánægður með vinnuframlag hans. Ég get ekki sætt mig við að leikmaður gefi ekki allt í þetta. Það er alveg ljóst. Ég get horft framhjá því einu sinni en tvisvar var of mikið. Þess vegna brást ég við," segir Slot.

„Þó þú klúðrir færi þarftu að berjast fyrir liðið. Hann var ekki eins og hann er vanur að vera. Stuðningsmenn kunna að meta hann því hann er vanur því að leggja mikið á sig."

Liverpool mætir Newcastle í kvöld og segir Slot að Nunez, sem er með sex mörk í 35 leikjum á tímabilinu, hafi verið mjög öflugur á æfingum í aðdraganda leiksins.

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.