Alexander Sorloth skoraði jöfnunarmarkið í uppbótartíma
Barcelona 4 - 4 Atletico Madrid
0-1 Julian Alvarez ('1 )
0-2 Antoine Griezmann ('6 )
1-2 Pedri ('19 )
2-2 Pau Cubarsi ('21 )
3-2 Inigo Martinez ('41 )
4-2 Robert Lewandowski ('74 )
4-3 Marcos Llorente ('84 )
4-4 Alexander Sorloth ('90 )
0-1 Julian Alvarez ('1 )
0-2 Antoine Griezmann ('6 )
1-2 Pedri ('19 )
2-2 Pau Cubarsi ('21 )
3-2 Inigo Martinez ('41 )
4-2 Robert Lewandowski ('74 )
4-3 Marcos Llorente ('84 )
4-4 Alexander Sorloth ('90 )
Spænsku stórliðin Barcelona og Atlético Madríd gerðu ótrúlegt 4-4 jafntefli í fyrri leik liðanna í undanúrslitum spænska konungsbikarsins á Ólympíuvellinum í Barcelona í kvöld.
Börsungar lentu óvænt 2-0 undir á fyrstu sex mínútum. Julian Alvarez og Antoine Griezmann skoruðu mörkin, en heimamenn svöruðu fyrir sig á tveggja mínútna kafla.
Pedri minnkaði muninn á 19. mínútu og þá jafnaði hinn ungi og efnilegi varnarmaður Pau Cubarsi eftir hornspyrnu.
Undir lok hálfleiksins kom Inigo Martinez heimamönnum í 3-2 með skalla eftir aðra hornspyrnu Raphinha.
Robert Lewandowski skoraði fjórða markið eftir frábæran undirbúning Lamine Yamal á 74. mínútu og töldu Börsungar sig vera komna í þægilega stöðu, en svo var ekki.
Tíu mínútum síðar minnkaði Marcos Llorente muninn með góðu skoti og þá jafnaði norski sóknarmaðurinn Alexander Sorloth metin seint í uppbótartíma. Lokatölur 4-4 í Barcelona í einum skemmtilegasta leik bikarsins til þessa.
Liðin eigast við í síðari leiknum þann 2. apríl og er hann spilaður á Wanda Metropolitano-leikvanginum í Madríd.
Athugasemdir
