Wayne Rooney gæti verið að snúa aftur í þjálfun aðeins nokkrum mánuðum eftir að hafa verið látinn fara frá B-deildarliði Plymouth Argyle.
Rooney var látinn fara frá Plymouth í lok desember eftir arfaslakt tímabil.
HeatWorld segir að eiginkona Rooney, Coleen, hafi verið ánægð með að fá eiginmanninn heim, en nú hafa liðið tveir mánuðir og sé hún orðin þreytt á skipulagsleysinu í honum.
Kemur þar fram að hún vilji að hann fari aftur á vinnumarkaðinn en enskir fjölmiðlar hafa talað um að hann gæti verið að taka við Salford City sem leikur í ensku B-deildinni.
Salford City er í eigu 92-árgangsins hjá Man Utd, þeirra David Beckham, Ryan Giggs, Nicky Butt, Paul Scholes, Gary Neville, Phil Neville og viðskiptamannsins Peter Lim.
Rooney sást á æfingasvæði Salford í byrjun febrúar sem ýtir enn frekar undir að hann gæti tekið við keflinu af Karl Robinson.
Það væri frekar undarleg ráðning á þessum tímapunkti en Robinson er með liðið í 9. sæti, aðeins nokkrum stigum frá umspili, sem er töluverð bæting frá síðustu leiktíð en þá var liðið í harðri fallbaráttu.
Einnig hefur verið rætt um að Rooney gæti komið inn sem spekingur hjá BBC í þættinum Match Of The Day, en þættirnir eru gerðir í Manchester og yrði hann því ekki langt frá fjölskyldu sinni.
Athugasemdir
