Sænski fréttamaðurinn Filip Elg, sem skrifar fyrir Smålandsposten, greinir frá því að Vestri sé að krækja í sænsk-eistneskan framherja úr næstefstu deild í Svíþjóð.
Sá heitir Kristoffer Grauberg Lepik og kemur úr röðum Oddevold en hann hefur einnig leikið fyrir lið í þriðju efstu deild í Svíþjóð. Honum tókst að skora 10 mörk í 15 leikjum með FBK Karlstad í fyrra en átti erfitt uppdráttar eftir félagaskiptin til Oddevold.
Kristoffer er hávaxinn sóknarmaður sem gæti reynst varnarmönnum sérstaklega erfiður í loftinu, en samkvæmt vefsíðu transfermarkt er hann 197cm á hæð.
Hann er samningsbundinn Oddevold í meira en eitt og hálft ár til viðbótar en virðist ekki vera í byrjunarliðsáformunum þar á bæ.
Athugasemdir
