Kári Árnason, yfirmaður fótboltamála hjá Víkingi.
Kári Árnason, yfirmaður fótboltamála hjá Víkingi, er sáttur með leikmannahóp liðsins eins og staðan er núna. Gylfi Þór Sigurðsson var í dag formlega kynntur hjá félaginu á blaðamannafundi eftir að hann var keyptur frá Val.
Það hefur verið mikið í gangi á skrifstofu Víkings síðustu daga; Danijel Dejan Djuric var seldur út til Króatíu og Gylfi gekk í raðir félagsins.
Það hefur verið mikið í gangi á skrifstofu Víkings síðustu daga; Danijel Dejan Djuric var seldur út til Króatíu og Gylfi gekk í raðir félagsins.
Áttu von á meiri breytingum á leikmannahópnum?
„Ég tækla það bara eins og það gerist. Við erum nokkurn veginn búnir að loka hópnum núna. En við þurfum að hreyfa okkur ef það verða einhverjar hreyfingar á leikmönnum frá okkur. Við skoðum það bara ef það gerist," sagði Kári.
Ari Sigurpálsson og Karl Friðleifur Gunnarsson hafa verið orðaðir við félög í Skandinavíu en Kári segir engin tilboð á borðinu eins og er.
„Í rauninni ekki neitt formlegt."
Kári segir að ekki þurfi að bæta við leikmannahópinn hjá Víkingum eins og staðan er í dag.
Athugasemdir
