Það er landsleikjahlé í kvennafótboltanum og eru margir leikir á dagskrá í dag og í kvöld í Þjóðadeildinni.
Stelpurnar okkar í íslenska landsliðinu heimsækja þar Frakkland í annarri umferð, eftir að hafa gert markalaust jafntefli í Sviss fyrir helgi.
Ógnarsterkt landslið Frakka byrjaði fyrstu umferðina á 1-0 sigri gegn frænkum okkar frá Noregi sem eru einnig með stjörnum prýddan leikmannahóp.
Leikurinn gegn Frökkum verður gífurlega erfiður og verður áhugavert að sjá hvernig Stelpurnar okkar munu standa sig á Stade Marie-Marvingt.
Meðal annarra leikja sem fara fram í dag má finna gríðarlega spennandi viðureignir. Til dæmis spilar Danmörk útileik á Ítalíu og Þýskaland mætir Austurríki í nágrannaslag.
Íslenski riðillinn
17:00 Noregur-Sviss (Viking Stadion)
20:10 Frakkland-Ísland (Stade Marie-Marvingt)
Leikir dagsins A-deild
17:15 Þýskaland - Austurríki
17:15 Ítalía - Danmörk
19:15 Wales - Svíþjóð
19:30 Skotland - Holland
Landslið kvenna - Þjóðadeildin
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Frakkland | 2 | 2 | 0 | 0 | 4 - 2 | +2 | 6 |
| 2. Noregur | 2 | 1 | 0 | 1 | 2 - 2 | 0 | 3 |
| 3. Ísland | 2 | 0 | 1 | 1 | 2 - 3 | -1 | 1 |
| 4. Sviss | 2 | 0 | 1 | 1 | 1 - 2 | -1 | 1 |
Athugasemdir
