Það komu nokkrir Íslendingar við sögu í leikjum dagsins þar sem Guðmundur Þórarinsson var í byrjunarliði FC Noah í efstu deild í Armeníu.
Gummi Tóta lagði fyrsta mark leiksins upp í 0-4 sigri og er Noah í þægilegri stöðu á toppi deildarinnar, með 43 stig eftir 17 umferðir - fimm stigum á undan næsta liði og með leik til góða.
Í Svenska Cupen kom Gísli Eyjólfsson við sögu í 2-0 sigri Halmstad á meðan Daníel Tristan Guðjohnsen var ónotaður varamaður í sigri Malmö gegn Skovde AIK.
Halmstad og Malmö eru búin að sigra fyrstu tvo leikina sína og eiga framundan úrslitaleiki um toppsæti riðla sinna.
Helgi Fróði Ingason fékk að spila síðustu 20 mínúturnar í tapi Helmond gegn Emmen í næstefstu deild í Hollandi og að lokum sigruðu Ágúst Eðvald Hlynsson og félagar í Akademisk Boldklub æfingaleik gegn varaliði Bröndby.
West Armenia 0 - 4 Noah
Halmstad 2 - 0 Landskrona
Skovde AIK 1 - 2 Malmo
Helmond 1 - 2 Emmen
Brondby II 1 - 3 AB
Athugasemdir
