Arda Guler hér til vinstri.
Carlo Ancelotti, stjóri Real Madrid, segir að það séu engin vandamál varðandi Endrick og Arda Guler.
Þeir eru tveir af efnilegri leikmönnum heims en þeir hafa báðir spilað lítið á tímabilinu.
Þeir eru tveir af efnilegri leikmönnum heims en þeir hafa báðir spilað lítið á tímabilinu.
Það er erfitt að komast inn í sóknarlínuna hjá Real Madrid þar sem þar eru Rodrygo, Vinicius og Kylian Mbappe. Jude Bellingham er svo þar fyrir aftan.
„Endrick verður frábær sóknarmaður. Það er ekkert vandamál með Endrick í augnablikinu," sagði Ancelotti en Endrick gekk í raðir félagsins fyrir tímabilið og hefur ekki enn byrjað leik í La Liga.
„Hver leikmaður sem er með efasemdir getur talað beint við mig. Ég tala við ungu leikmennina á hverjum degi. Ég hef lesið um að það sé vandamál með Guler en ég veit ekki til þess. Samkeppnin er gríðarleg."
Athugasemdir
