Þýska landsliðskonan Melanie Leupolz hefur yfirgefið Chelsea og samið við spænska félagið Real Madrid. Þetta kemur fram í yfirlýsingu Chelsea í dag.
Miðjumaðurinn eyddi fjórum árum hjá Chelsea þar sem hún vann deildina öll árin sín hjá félaginu ásamt því að vinna enska bikarinn þrisvar.
Á fyrsta tímabili hennar komst hún í úrslit Meistaradeildar Evrópu en liðið laut í lægra haldi fyrir Barcelona.
Chelsea hefur nú staðfest að hún hafi yfirgefið félagið til að ganga í raðir Real Madrid á Spáni.
Leupolz var í þýska landsliðinu sem vann Evrópumótið árið 2013 og síðan Ólympíuleikana þremur árum síðar.
Melanie Leupolz has departed Chelsea after four seasons and completed a move to Real Madrid.
— Chelsea FC Women (@ChelseaFCW) July 3, 2024
It's been an honour, @Melanie_Leupolz. ????
Athugasemdir