Theate, sem er aðeins 24 ára gamall, hefur verið að heilla með Rennes í frönsku deildinni en áður var hann á mála hjá Bologna í Seríu A.

Varnarmaðurinn, sem getur bæði spilað sem vinstri bakvörður og miðvörður, spilaði þrjá leiki fyrir Belgíu á Evrópumótinu í Þýskalandi, en hann var orðaður við bæði Liverpool og Leipzig á síðasta ári.

Í sumar hefur West Ham verið áhugasamt en hann hefur ákveðið að halda til Al-Ittihad í Sádi-Arabíu.

Stefano Pioli, fyrrum þjálfari AC Milan, er að taka við Al-Ittihad en það var hann sem sannfærði Theate um að koma.

Al-Ittihad greiðir Rennes 18 milljónir evra og fer hann í læknisskoðun hjá félaginu á næstu dögum.