Fótbolti.net

Kristinn Aron: KR mikið betra en fyrir ári síðan

Óskar Hrafn: Framtíðin er sannarlega björt í Vesturbænum

Heimir: Þá missti hann bara tökin á leiknum

Már Ægis: Miklu betra að vera hérna heima

Rúnar: Helvítið hann Kristján Finnbogason þekkir allar vítaskyttur á landinu

Siggi Höskulds: Einhver mesti markaskorari sem ég hef séð í yngri flokkum

Fjórir leikmenn ÍR í páskafríi erlendis - „Með algjöru leyfi frá okkur"

Peter Jones með sitt fyrsta meistaraflokksmark: Þetta kemur ekki frá pabba

Halli Hróðmars: Mjög svekktur að hafa ekki getað spilað í Grindavík í dag

Adam Páls: Maður þarf að þroskast líka sem persóna

Alexander Rafn: Geðveikt að fá að læra af þessum leikmönnum

Eggert Gunnþór: Ríkjandi bikarmeistarar og við vissum alltaf að þetta yrði erfitt

Keppni sem okkur þykir vænt um - „Stefnum bara á Laugardalsvöll"

Jakob Gunnar skoraði gegn gömlu félögunum - „Skrítið en mjög skemmtilegt"

Hallgrímur Mar um innkomu Römer: Eins gott og það gat verið

Viktor Elmar: Er flottur leikmaður, þó ég segi sjálfur frá

Gunnar Már um fyrstu mánuðina: Þetta hefur verið brekka

Dóri Árna um Damir: Innan við eitt prósent líkur á því

Rúnar Páll: Ég ætlaði að taka mér pásu frá þjálfun

Haukur Andri: Maður ætlar sér klárlega aftur út

þri 04. júní 2024 22:50

Stefán Marteinn Ólafsson

Glódís: Langbesta tilfinningin að þurfa ekki að treysta á neinn annan

Glódís Perla Viggósdótir í leiknum í kvöld

Mynd: Fótbolti.net - Haukur Gunnarsson

Íslenska kvennalandsliðið mætti Austurríki á Laugardalsvelli í undankeppni EM núna í kvöld.

Íslenska liðið gat með sigri farið langleiðina með að tryggja sig inn á Evrópumeistaramótið og eftir sigurinn í kvöld er þetta núna í okkar höndum.

Lestu um leikinn: Ísland 2 - 1 Austurríki

„Þetta eru gríðarlega stór þrjú stig í dag. Þetta gefur okkur innbyrðist hag ef það kemur til að við verðum með jafn mörg stig. Það var markmiðið okkar fyrir þennan glugga og við náðum því í dag." Sagði fyrirliðinn okkar Glódís Perla Viggósdóttir.

Eftir sigurinn í kvöld eru örlög Íslenska liðsins núna í okkar höndum.

„Það er auðvitað það sem maður vill. Það er langbesta tilfinningin að þurfa ekki að treysta á neinn annan og vera með þetta í eigin höndum. Við erum ótrúlega sáttar með þetta verkefni sem heild og sérstaklega daginn í dag að hafa náð að klára þetta svona sætt."

Íslenska liðið var stórhættulegt í föstum leikatriðum og þá sérstaklega í síðari hálfleiknum.

„Við spiluðum klókt upp á það í dag fannst mér. Mér fannst þær sem að voru frammi vera að spila upp á það að fá horn, fá innköst og fá þessa hluti sem að er erfitt að verjast í svona miklum vindi og það var að gefa okkur. Óheppni að Karó hafi ekki skorað beint úr hornspyrnu í dag og Hildur átti líka að fá víti þarna eftir horn eða innkast þannig þetta var alltaf að skapa vandræði."

Íslenska liðið getur tryggt sig inn á Evrópumeistaramótið í næsta landsliðsglugga en við fáum Þýskaland í heimsókn í þeim glugga og væri Glódís Perla alveg til í að sjá fullan Laugardalsvöll.

„Mér finnst við sem þjóð hafa þetta með okkur hvað við erum náin, hvað við styðjum hvort annað vel og það hefur verið fín mæting í langan tíma en það er rosalega langt síðan við fylltum Laugardalsvöll og ég held að við höfum gert það síðast á móti Þýskalandi 2018 eða 19. Það væri ótrúlega gaman af að við sem þjóð gætum sameinast um það að fylla völlinn og gera þetta að alvöru partýi."