Brynjar Ingi var í slúðurpakkanum fyrir stuttu orðaður Við KA, KR og Val í Bestu deildinni.

Brynjar Ingi fór út í fyrra eftir að hafa slegið í gegn með KA og íslenska landsliðinu. Það hefur gengið erfiðlega hjá honum í atvinnumennsku, fyrst hjá Lecce á Ítalíu og svo hjá Vålerenga í Noregi þar sem hann er núna. Hann er meira búinn að spila með varaliði Vålerenga en aðalliðinu upp á síðkastið.

En í samtali við Fréttablaðið segist hann ekki vera á heimleið.

„Ég er ekki á leiðinni heim til Íslands. Það er engin uppgjöf í mér," segir Brynjar Ingi og bætir við að framhaldið líti nokkuð vel út hjá sér í Noregi.

Rúnar Kristinsson, þjálfari KR, var á dögunum spurður út í Brynjar Inga. „Nei ég hef ekki heyrt í honum og held að við höfum ekki heyrt í honum. Hann hefur ekkert við það að gera að koma sér heim. Hann á að vera í útlöndum og búa sér til feril þar," sagði Rúnar.

Sjá einnig:
Brynjar Ingi gengið í gegnum erfiða tíma: Tók á andlega