Stephanie Frappart.
Það er ekki nóg með að Stephanie Frappart muni dæma á HM í Katar í vetur, þá mun hún dæma stóran leik í frönsku úrvalsdeildinni um helgina.
Frappart hefur verið valin besti kvendómari heims þrjú síðustu ár en margir telja að hún hafi hreinlega 'flautað Ísland úr leik' í gær er við spiluðum við Portúgal í umspilinu fyrir HM.
Frappart fór þrisvar í VAR skjáinn í leik sem var uppfullur af umdeildum atvikum. Skömmu eftir að mark var dæmt af Íslandi fékk Portúgal víti og Áslaug Munda Gunnlaugsdóttir var rekin af velli.
Hún virkaði gríðarlega óörugg í leiknum. Hún dæmdi Portúgal annað víti, sem var glórulaus dómur, en tók svo dóminn til baka eftir að hafa farið í skjáinn.
„Hreinskilið finnst mér vandræðalegt að hún eigi að vera besti kvendómari í heimi ef hún þarf að fara í skjáinn yfir öllum vafaatriðum sem gerast í leiknum. Mér finnst það bara lélegt," sagði Glódís Perla Viggósdóttir, varnarmaður Íslands, eftir leikinn í gærkvöldi en henni fannst Frappart ekki höndla verkefnið vel. Hún var klárlega ekki á sínum besta degi í gær, alls ekki.
Um helgina fær hún stórt verkefni því hún dæmir leik Rennes og Lyon í úrvalsdeild karla í Frakklandi, en þetta eru tvö lið sem eru að stefna á það að komast í Evrópukeppni.
Frappart hefur afrekað margt á dómaraferli sínum. Hún var fyrsta konan til að dæma UEFA Ofurbikar karla, leik í Meistaradeild karla og þá dæmdi hún franska bikarúrslitaleikinn í karlaflokki fyrr á þessu ári.
Sjá einnig:
Sjáðu atvikið: Áslaug Munda rekin af velli - „Það er verið að eyðileggja leikinn"
#Rennes - #OL, dimanche à 15h00, sera arbitré par Stéphanie #Frappart#Arbitre #SRFCOL
— OL+ (@OL__Plus) October 11, 2022
(Ligue1 : https://t.co/qDFA2lkCPh) pic.twitter.com/Zsys3MMUI7
Athugasemdir
