Sky Sports deildi myndbandi af hliðarlínunni er Harry Kane stangaði boltann í netið seint í uppbótartíma.

Þar sást Antonio Conte, stjóri Tottenham, fagna innilega á meðan Pep Guardiola var sár og svekktur.

Það voru hins vegar viðbrögð Pawson sem vöktu mesta athygli en þegar Kane kom boltanum í netið þá leit hann undan og svipbrigðin sögðu meira en þúsund orð.

Samsæriskenningar fljúga á Twitter og margir undrandi á þessu myndskeiði.

„Viðbrögðin hjá fjórða dómaranum í þessu myndskeiði eru svolítið óvenjuleg er það ekki?" segir og spyr Dominic King hjá Daily Mail.

Þá var bent á að Pawson hafi verið á VAR-vaktinni þegar Newcastle fékk ekki augljósa vítaspyrnu gegn Manchester City á tímabilinu og Pawson verður þá í dómarateyminu er Chelsea og Liverpool mætast í deildabikarnum næstu helgi.