Emilía Ásgeirsdóttir og stöllur hennar í Nordsjælland töpuðu fyrir Fortuna Hjörring, 2-0, í toppslag dönsku úrvalsdeildarinnar í dag.
Landsliðskonan var eins og venjulega í byrjunarliði Nordsjælland en þessi tvö lið hafa verið sterkust í byrjun leiktíðar og var leikurinn barátta um efsta sætið.
Florentina Olar-Spanu og Joy Omewa sáu til þessað Fortuna tæki toppsætið en liðið er nú með 16 stig, einu stigi meira en Nordsjælland.
Emilía, sem er markahæsti í deildinni með sex mörk, lék allan leikinn fyrir Nordsjælland.
Athugasemdir
