Andri Rúnar Bjarnason skoraði fyrra mark Vestra sem kom tvisvar til baka og gerði 2-2 jafntefli gegn KR í dag. Þetta var fyrsti leikurinn í Bestu deildinni eftir tvískiptinguna en liðin eru bæði í fallbaráttu.
„Það var mjög sterkt að koma til baka verð ég að segja," sagði Andri Rúnar eftir leikinn.
„Það var mjög sterkt að koma til baka verð ég að segja," sagði Andri Rúnar eftir leikinn.
Lestu um leikinn: KR 2 - 2 Vestri
„Leikirnir milli þessara liða hafa verið frekar jafnir en það var bara eitt lið á vellinum í fyrri hálfleik í dag og það voru þeir. Ég er mjög ánægður með það hvernig við brugðumst við því í seinni hálfleik. Það var stress í liðinu í fyrri hálfleik og við vorum ólíkir sjálfum okkur."
„Það er alltaf gott að skora, það er ætlast til þess að maður sé að skora mörk."
Andri hefði getað tryggt Vestra stigin þrjú því að í uppbótartíma fékk hann hörkufæri sem Guy Smit varði vel. Andri gerði frábærlega í undirbúningnum.
„Þetta var mjög vel varið hjá honum. Ég var nánast orðinn bensínlaus eftir að ég var búinn að taka snúninginn. Ég var helvíti þungur í löppunum, ætlaði að lauma honum í nær en náði engum krafti í skotið. Hann beið, ég hélt að ég hefði náð að plata hann."
Athugasemdir
