Mohamed Salah.
Bryan Mbeumo.
Mohamed Salah mun mögulega yfirgefa Liverpool eftir tímabilið þegar samningur hans rennur út.
Liverpool hefur farið frábærlega af stað undir Arne Slot en liðið er með átta stiga forystu á toppi deildarinnar. Það eru ekki miklar áhyggjur í gangi hjá félaginu en framtíð Salah er í óvissu.
Liverpool hefur farið frábærlega af stað undir Arne Slot en liðið er með átta stiga forystu á toppi deildarinnar. Það eru ekki miklar áhyggjur í gangi hjá félaginu en framtíð Salah er í óvissu.
Salah sagðist nýverið vera vonsvikinn með að hafa ekki fengið samningstilboð frá Liverpool.
„Desember er handan við hornið og ég hef ekki fengið neitt tilboð um að vera áfram hjá félaginu. Það er væntanlega líklegra að ég fari en verði áfram," sagði Salah.
Emile Heskey, fyrrum leikmaður Liverpool, segir að það verði ótrúlega erfitt að fylla í skarð Salah en hann er með hugmynd að leikmanni sem hann vill fá í staðinn ef sú verður raunin að Salah yfirgefi félagið næsta sumar.
„Bryan Mbeumo hjá Brentford er leikmaður sem mér líkar mikið," sagði Heskey.
„Í toppliði þá gæti hann skorað mun fleiri mörk. En það er erfitt að koma í staðinn fyrir Mo Salah. Hver annar er að fara að gefa þessar tölur? Það verður risastórt verkefni fyrir Liverpool að fá leikmann í staðinn fyrir Salah þegar hann fer, hvenær sem það verður."
Athugasemdir
