„Við vorum ekki nálægt því að vera nógu góðir. Það er mikil meiðslakrísa í liðinu, en það er engin afsökun,“ sagði Wayne Rooney, stjóri Plymouth, eftir 6-1 niðurlæginguna gegn Norwich í ensku B-deildinni í gær.
Tapið var það stærsta hjá Plymouth á þessu tímabili en eins og Rooney kom inn á vantaði marga lykilmenn.
Joe Edwards, fyrirliði liðsins, var ekki með og þá vantaði markvörðinn Connor Hazard ásamt sóknarmönnunum Ibrahim Cissoko, Morgan Whittaker og Muhamed Tijani.
„Ef leikmenn vilja komast í liðið og halda sæti sínu þá þurfa þeir að spila betur en þetta. Ég hefði getað sett U18 ára liðið í leikinn og ekki einu sinni þeir hefðu fengið á sig sex mörk.“
„Ég er svo ótrúlega vonsvikinn, reiður og svekktur. Næstu 24-48 tímar verða ekki notalegir fyrir leikmennina, en fyrst þurfum við að komast til botns í því af hverju þetta er að gerast,“ sagði Rooney.
Landsliðsmaðurinn Guðlaugur Victor Pálsson spilaði allan leikinn en fann sig ekki frekar en aðrir í liði Plymouth.
Plymouth er með 17 stig í 20. sæti ensku B-deildarinnar og aðeins unnið fjóra leiki á tímabilinu.
Athugasemdir
