Al Wasl, lið Milosar Milojevic, vann þriðja leikinn í Meistaradeild Asíu í kvöld er liðið heimsótti Al Shorta í Írak.
Lærisveinar Milosar hafa ekki verið að ná í hagstæð úrslit í deildinni í Sameinuðu arabísku furstadæmunum en hafa fagnað nokkuð góðum árangri í Meistaradeildinni.
Liðið er komið með þrjá sigra í fimm leikjum og er nú með 10 stig í 4. sæti deildarkeppninnar.
Al Wasl spilar næst við Al Rayyan frá Katar áður en það mætir Al Bataeh í deildinni.
Sádi-arabísku meistararnir í Al Hilal gerðu 1-1 jafntefli við Al Sadd frá Katar.
Al Hilal er í öðru sæti Meistaradeildarinnar með 13 stig úr fimm leikjum.
Athugasemdir
