Man City hafði tapað fimm leikjum í röð fram að leiknum gegn Feyenoord.

Það þurfti örlitla þolinmæði til að skora fyrsta markið í kvöld en það kom undir lok hálfleiksins er brotið var á Erling Braut Haaland í teignum. Normaðurinn fór sjálfur á punktinn og skoraði.

Man City keyrði á Feyenoord í byrjun síðari með tveimur mörkum á þremur mínútum. Ilkay Gündogan skoraði með föstu skoti eftir hornspyrnu, en hann hafði heppnina með sér því boltinn hafði viðkomu af varnarmanni og í netið.

Haaland gerði annað mark sitt á 53. mínútu er Matheus Nunes slapp hægra megin í gegn. Hann fann Haaland í hlaupinu sem fleygði sér á boltann og skoraði.

Þegar stundarfjórðungur var eftir hrundi allt hjá heimamönnum en Anis Hadj-Moussa skoraði eftir hræðileg mistök í vörn Man City.

Josko Gvardiol átti háa og afar slaka sendingu til baka sem Hadj-Moussa tók á móti og setti í netið áður en Santiago Gimenez minnkaði muninn niður í eitt mark nokkrum mínútum síðar.

Undir lok venjulegs leiktíma komu önnur mistök Man City er Ederson átti skelfilegt úthlaup og tapaði einvígi við Igor Paixao sem kom boltanum fyrir á David Hancko og eftirleikurinn auðveldur.

Ótrúlegt hrun hjá Man City en ekki hægt að taka neitt af Feyenoord sem sýndi magnaðan vilja í að koma til baka. 3-3 jafntefli niðurstaðan á Etihad og er Man City með aðeins 8 stig úr fimm leikjum og útlit fyrir að liðið þurfi að fara í umspil til að komast í 16-liða úrslit. Feyenoord er á meðan með 7 stig.

Arsenal valtaði yfir Sporting

Arsenal vann öruggan 5-1 sigur á portúgalska liðinu Sporting í Lisbon.

Gestirnir fóru með þriggja marka forystu inn í hálfleikinn. Gabriel Martinelli skoraði af stuttu færi eftir laglega sendingu Jurrien Timber og þá bætti Kai Havertz við öðru fimmtán mínútum siðar eftir sendingu Bukayo Saka.

Gabriel Magalhaes gerði þriðja markið með skalla eftir hornspyrnu undir lok hálfleiksins. Sporting kom öflugt inn í síðari hálfleikinn og minnkaði muninn með marki Goncalo Inacio en Arsenal svaraði því með tveimur mörkum.

Bukayo Saka skoraði úr vítaspyrnu á 65. mínútu og þá gulltryggði Leandro Trossard sigurinn með fimmta marki Arsenal á 82. mínútu.

Ruben Amorim greinilega sárt saknað í Lisbon. Bæði lið eru með 10 stig eftir fimm leiki.

Bayer Leverkusen slátraði Salzburg 5-0. Floran Wirtz skoraði tvö mörk fyrir Leverkusen og lagði upp eitt. Alex Grimaldo, Patrik Schick og Aleix Garcia komust einnig á blað.

Kim Min-Jae var óvænt hetja Bayern München í 1-0 sigri á Paris Saint-Germain og réði sjálfsmark Castello Lukeba úrslitum er Inter vann Leipzig með sömu markatölu.

Mateo Retegui og Charles De Ketelare skoruðu báðir tvö mörk er Atalanta kjöldró Young Boys, 6-1, og þá gerði Robert Lewandowski tvö er Barcelona vann Brest 3-0.

Barcelona 3 - 0 Brest
1-0 Robert Lewandowski ('10 , víti)
2-0 Dani Olmo ('66 )
3-0 Robert Lewandowski ('90 )

Bayer 5 - 0 Salzburg
1-0 Florian Wirtz ('8 , víti)
2-0 Alex Grimaldo ('11 )
3-0 Florian Wirtz ('30 )
4-0 Patrik Schick ('61 )
5-0 Aleix Garcia ('72 )

Bayern 1 - 0 Paris Saint Germain
1-0 Min-Jae Kim ('38 )
Rautt spjald: Ousmane Dembele, Paris Saint Germain ('57)

Inter 1 - 0 RB Leipzig
1-0 Castello Lukeba ('27 , sjálfsmark)

Manchester City 3 - 3 Feyenoord
1-0 Erling Haaland ('44 , víti)
2-0 Ilkay Gundogan ('50 )
3-0 Erling Haaland ('53 )
3-1 Anis Hadj Moussa ('75 )
3-2 Santiago Gimenez ('82 )
3-3 David Hancko ('89 )

Sporting 1 - 5 Arsenal
0-1 Gabriel Martinelli ('7 )
0-2 Kai Havertz ('22 )
0-3 Gabriel Magalhaes ('45 )
1-3 Goncalo Inacio ('47 )
1-4 Bukayo Saka ('65 , víti)
1-5 Leandro Trossard ('82 )

Young Boys 1 - 6 Atalanta
0-1 Mateo Retegui ('9 )
1-1 Silvere Ganvoula ('11 )
1-2 Charles De Ketelaere ('28 )
1-3 Sead Kolasinac ('32 )
1-4 Mateo Retegui ('39 )
1-5 Charles De Ketelaere ('56 )
1-6 Lazar Samardzic ('90 )