Pele, sem er talinn einn besti fótboltamaður allra tíma, vann HM þrisvar sinnum með brasilíska landsliðinu ásamt því að hafa unnið fjölmarga titla með Santos í heimalandinu.

Þessi fyrrum sóknarmaður greindist með ristilkrabbamein á síðasta ári en fór í aðgerð og lét fjarlægja meinið. Þá var hann í geislameðferð síðan.

Meinið tók sig aftur upp fyrir stuttu og dreifði það sér. Pele lést svo í gær eftir harða baráttu við veikindin.

Fjölmargir hafa minnst Pele á samfélagsmiðlum og þá hefur styttan af Jesú Kristi í Ríó de Janeiro verið lýst upp í fánalitum Brasilíu til að minnast Pele. Það sama má segja um Wembley, þjóðarleikvang Englendinga eins og sjá má hér að neðan.