Arsenal er með sjö stiga forystu í efsta sæti ensku úrvalsdeildarinnar eftir 4-2 sigur á Brighton í gær en leikmenn fréttu af úrslitum á Etihad-leikvanginum áður en þeir spiluðu við liðið.
Manchester City gerði 1-1 jafntefli við Everton á Etihad í gær en það var glæsimark Demarai Gray og vel skipulagður varnarleikur gestanna sem skóp stigið.
Leikmenn Arsenal voru að gera sig klára fyrir leikinn gegn Brighton þegar þeir heyrðu af úrslitunum á Etihad og gaf það þeim auka kraft til að klára Brighton.
„Við reyndum að einbeita okkur að því sem við gerum en þegar við heyrðum af úrslitunum þá gaf það okkur meiri hvatningu til að keyra á þetta og ná í úrslit gegn Brighton,“ sagði Saka við BBC eftir leikinn í gær.
Athugasemdir
