Nýliðar Aftureldingar í Bestu deildinni eru á leið í æfingaferð til Kanaríeyja en upphaf ferðalagsins hefur ekki gengið áfallalaust fyrir sig. Liðið gat ekki farið út á flugvöll með liðsrútu sinni þar sem skemmdarverk voru unnin á henni í nótt og þá varð frestun á fluginu vegna tæknilegra vandamála.
Búið var að brjóta rúður í rútunni, sem Afturelding hefur notað lengi, og segir Magnús Már Einarsson, þjálfari liðsins, í samtali við mbl.is að erfitt verði að gera við þær. Rútan er 40 ára gömul og hægara sagt en gert að finna nýjar rúður.
Búið var að brjóta rúður í rútunni, sem Afturelding hefur notað lengi, og segir Magnús Már Einarsson, þjálfari liðsins, í samtali við mbl.is að erfitt verði að gera við þær. Rútan er 40 ára gömul og hægara sagt en gert að finna nýjar rúður.
Leikmenn og starfsmenn þurftu að fara á sínum bílum og einnig að ræsa út fjölskyldumeðlimi til að koma sér upp á flugstöð.
Þar átti svo flugvélin að leggja í hann klukkan 8:55 og var liðið komið um borð þegar fluginu var frestað vegna tæknilegra vandamála.
„En allt kom fyrir ekki. Technical issue hjá Play og menn brosandi út að eyrum," stendur á Instagram síðu Aftureldingar þar sem menn sjást fara aftur inn í flugstöðina þar sem beðið er eftir því að flugvélin geti farið í loftið. Nú er áætlaður brottfarartími klukkan 13:00.
Athugasemdir
