Fulham eru nýliðar í ensku úrvalsdeildinni og voru að staðfesta komu Daniel James á eins árs lánssamningi frá Leeds United.
Búist var við að Leeds myndi hætta við að hleypa James til Fulham á láni eftir að félagsskipti Bamba Dieng frá Marseille runnu út í sandinn.
Nú er útlit fyrir að Leeds sé að krækja í Wilfried Gnonto frá FC Zürich og mun hann fylla í skarðið sem James skilur eftir í leikmannahópinum. Það er ólíklegt að James hefði verið hleypt burt án þess að fá mann inn í staðinn.
James er 24 ára kantmaður sem Leeds keypti fyrir 25 milljónir punda í fyrra. Hann stóðst ekki væntingar hjá félaginu og reynir nú fyrir sér hjá Fulham.
James á 74 leiki að baki fyrir Manchester United og er búinn að spila í öllum leikjum Leeds á tímabilinu. Leikstíll hans einkennist af miklum hraða og á hann 36 leiki að baki fyrir velska landsliðið.
Hann er ellefti leikmaðurinn til að ganga í raðir Fulham í sumar og sá fjórði í dag eftir Laywin Kurzawa, Willian og Carlos Vinicius.
Deadline Day Dan.#DANGERMAN ⚠️ | #FFC pic.twitter.com/fkzN1s7vb0
— Fulham Football Club (@FulhamFC) September 1, 2022
