Albert Guðmundsson og Moise Kean fagna
Fiorentina hefur fengið 50 þúsund evru sekt vegna hegðunar stuðningsmanna liðsins gegn St. Gallen í Sambandsdeildinni.
Fiorentina vann svissneska liðið St. Gallen 4-2 í Sviss í Sambandsdeildinni í síðasta mánuði. Stuðningsmenn ítalska liðsins köstuðu blysum ítrekað úr stúkunni og unnu skemdarverk á stúkunni.
UEFA hefur bannað Fiorentina að selja miða á næstu tvo útileiki liðsins í Sambandsdeildinni og félagið mun þurfa að borga skemmdir sem urðu á stúku svissneska liðsins.
Næstu útileikir Fiorentina eru gegn APOEL í næstu viku og gegn Vitoria í lokaumferð deildakeppninnar 19. desember.
Albert Guðmundsson er leikmaður Fiorentina en hann var ekki með gegn St. Gallen vegna meiðsla og hefur ekki spilað síðan.
Athugasemdir
