Það er Íslendingaslagur í fjórðu umferð riðlakeppni Meistaradeildar kvenna í kvöld.
Valerenga fær Bayern Munchen í heimsókn í C riðli en Bayern getur með sigri tryggt sér sæti í átta liða úrslitum. Valerenga þarf hins vegar á sigri að halda til að eiga einhverja möguleika á að komast áfram.
Bayern er með níu stig á toppnum, Arsenal er með sex stig og Juventus með þrjú en liðin mætast á Englandi í kvöld. Valerenga er án stiga. Glódís Perla Viggósdóttir er leikmaður Bayern og Sædís Rún Heiðarsdóttir spilar með Valerenga.
Manchester City getur tryggt sér sæti í átta liða úrslitum með sigri á Hammarby í D riðli. Þá getur Barcelona komið sér í góða stöðu með sigri á St. Polten.
EUROPE: Champions League, Group stage - Women
17:45 Valerenga W - Bayern W
17:45 Hammarby W - Manchester City W
20:00 Arsenal W - Juventus W
20:00 St. Polten W - Barcelona W
