Það er þjóðhátíð í San Marínó þessa dagana eftir að liðið vann Liechtenstein í Þjóðadeildinni um helgina.
Þessi sigur færði þeim efsta sætið í sínum riðli í D deild og liðið vann sér sæti í C deild um leið. Leiknum lauk með 3-1 sigri San Marínó.
Þetta er í fyrsta sinn sem liðið vinnur útileik og vinnur með því að skora meira en eitt mark í leik. Nicolo Nanni, framherji liðsins, var að vonum þakklátur í leikslok.
„Þetta kvöld mun lifa í minningunni að eilífu, þetta er einn fallegasti dagur á mínum fótboltaferli og líka fyrir sambandið. Þetta er afrek sem við viljum deila með allri þjóðinni," sagði Nanni.
Athugasemdir
