Madrídingar þurftu sigur til að halda pressunni á Barcelona í titilbaráttunni en Valencia hafði aðrar hugmyndir.

Real Madrid fékk vítaspyrnu á 10. mínútu er Kylian Mbappe var tekinn niður í teignum. Vinicius Junior fór á punktinn en Giorgi Mamaradashvili varði spyrnuna.

Mamardashvili hefur gert vel á tímabilinu og verið einn af bestu mönnum Valencia, en hann mun ganga formlega í raðir Liverpool í sumar.

Valencia-menn efldust við vörslu Georgíumannsins því nokkrum mínútum síðar kom Mouctar Diakhaby liðinu yfir með skalla eftir hornspyrnu.

Hann var síðan stálheppinn eftir rúmar tuttugu mínútur er hann stýrði boltanum í eigið net úr teignum, en markið var dæmt af vegna rangstöðu á Mbappe.

Madrídingar komu til baka strax í byrjun síðari hálfleiks er Vinicius Junior mætti á fjærstöngina í horni og stýrði boltanum efst upp í þaknetið.

Heimamenn fengu hvert dauðafærið á fætur öðru en Mamardashvili varð allt sem kom í áttina að honum. Það kom því heldur betur á óvænt þegar Hugo Duro skoraði á lokasekúndum leiksins eftir hraða skyndisókn. Rafa Mir kom boltanum inn á teiginn á Duro sem stýrði boltanum í netið og tryggði Valencia fyrsta sigurinn á Bernabeu í 17 ár.

Real Madrid er áfram með 63 stig í öðru sæti og á Barcelona nú möguleika á að komast í sex stiga forystu í titilbaráttunni. Valencia náði á meðan að fjarlægjast botnliðin og situr nú í 15. sæti með 34 stig, sjö stigum fyrir ofan fallsæti.

Real Madrid 1 - 2 Valencia
0-0 Vinicius Junior ('13 , Misnotað víti)
0-1 Mouctar Diakhaby ('15 )
1-1 Vinicius Junior ('50 )
1-2 Hugo Duro ('90 )

Girona 0 - 1 Alaves
0-1 Carlos Vicente ('61 )