Ægir Jarl Jónasson
Elías Rafn Ólafsson var í rammanum þegar Midtjylland tapaði dýrmætum stigum í titilbaráttunni í dönsku deildinni.
Liðið tapaði 2-1 gegn Randers en Midtjylland er á toppi deildarinnar með eins stigs forystu á FC Kaupmannahöfn sem á leik til góða.
Liðið tapaði 2-1 gegn Randers en Midtjylland er á toppi deildarinnar með eins stigs forystu á FC Kaupmannahöfn sem á leik til góða.
Ægir Jarl Jónasson og Ágúst Eðvald Hlynsson voru í byrjunarliði AB Kaupmannahöfn þegar liðið vann 3-0 gegn Nykobing í þriðju efstu deild í Danmörku.
Ægir Jarl kom liðinu yfir en þetta var fyrsta mark hans fyrir liðið. Sumir miðlar skrá markið hins vegar sem sjálfsmark.
Liðið er með 31 stig í 5. sæti fyrir lokaumferðina fyrir tvískiptingu en sex efstu liðin keppa í efri hlutanum. Liðið er með þriggja stiga forystu á Hellerup sem er í 7. sæti en Hellerup á einnig leik tíl góða.
Davíð Kristján Ólafsson lék fyrri hálfleikinn þegar Cracovia gerði 1-1 jafntefli gegn Stal Mielec í pólsku deildinni. Liðið er í 5. sæti með 42 stig eftir 27 umferðir.
Rúnar Þór Sigurgeirsson spilaði rúmlega klukkutíma þegar Willem II tapaði 3-1 gegn Heerenveen í hollensku deildinni. Willem II er í 16. sæti með 24 stig eftir 28 umferðir, liðið er fjórum stigum frá öruggu sæti.
Athugasemdir
