Ísland 0 - 0 Noregur
Lestu um leikinn
Lestu um leikinn
Íslenska kvennalandsliðið gerði markalaust jafntefli gegn Noregi í fjörugum leik í Þjóðadeildinni í kvöld.
Íslenska liðið byrjaði leikinn gríðarlega vel en Cecilie Fiskerstrand í marki Noregs var í bana stuði í upphafi leiks en hún þurfti að taka á honum stóra sínum í nokkur skipti fyrsta stundafjórðunginn.
Noregur fékk upplagt marktækifæri þegar liðið tókst að pressa vel á Cecilíu en Vilde Boe Risa skaut í stöngina.
Karólína Lea Vilhjálsmdóttir komst í gott færi undir lok fyrri hálfleiks eftir undirbúning Sveindísar Jane Jónsdóttur en skotið laust og auðvelt fyrir Fiskerstrand. Stuttu síðar náði Elisabeth Terland góðu skoti en Cecilía vel á verði.
Íslenska liðið hélt áfram að ógna norska markinu í upphafi seinni hálfleiks en boltinn vildi ekki fara í netið.
Karólína Lea var nálægt því að skora undir lok leiksins en skot hennar fór í Sveindísi en hún fékk boltann aftur en í þetta sinn fór boltinn í slá og yfir. Stuttu síðar var mikill darraðadans inn á teig Noregs og Andrea Rán átti skot í stöngina áður en þeim norsku tókst að koma boltanum frá.
Markalaust jafntefli niðurstaðan. Ísland er því með tvö stig eftir þrjár umferðir en Noregur fjögur.
Landslið kvenna - Þjóðadeildin
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Frakkland | 3 | 3 | 0 | 0 | 6 - 2 | +4 | 9 |
| 2. Noregur | 3 | 1 | 1 | 1 | 2 - 2 | 0 | 4 |
| 3. Ísland | 3 | 0 | 2 | 1 | 2 - 3 | -1 | 2 |
| 4. Sviss | 3 | 0 | 1 | 2 | 1 - 4 | -3 | 1 |
Athugasemdir
