Leverkusen var níu stigum á eftir Bayern fyrir leikinn í dag og stefndi allt í markalaust jafntefli.

Í uppbótartíma skoraði varamaðurinn Emi Buendia sigurmarkið eftir stoðsendingu Jonas Hofmann og saxaði forskot Bayern niður í sex stig þegar sex umferðir eru eftir.

Borussia Dortmund vann 4-1 sigur á Freiburg á útivelli. Karim Adeyemi, Carney Chukwuemeka, Serhou Guirassy og Jamie Gittens skoruðu mörk Dortmund og var Max Beier öflugur með tvær stoðsendingar.

Dortmund heldur enn í vonina um að komast í Meistaradeildina en liðið er með 41 stig, fimm stigum frá öruggu sæti í keppnina.

Bosníumaðurinn Ermedin Demirovic fór mikinn fyrir liði Stuttgart og skoraði þrennu í 4-0 sigri á Bochum. Tyrkinn Atakan Karazor gaf tvær stoðsendingar fyrir gestina.

Stuttgart er í svipaðri stöðu og Dortmund. Liðið er í 9. sæti, sex stigum frá Meistaradeildarsæti. RB Leipzig vann þá 3-1 sigur á Hoffenheim og er nú í 5. sæti með 45 stig.

Úrslit og markaskorarar:

RB Leipzig 3 - 1 Hoffenheim
0-1 Tom Bischof ('11 )
1-1 Benjamin Sesko ('24 )
2-1 Ridle Baku ('43 )
3-1 Yussuf Poulsen ('84 )
Rautt spjald: Leo Ostigard, Hoffenheim ('28)

Heidenheim 0 - 1 Bayer
0-1 Emiliano Buendia ('90 )

Freiburg 1 - 4 Borussia D.
0-1 Karim Adeyemi ('34 )
0-2 Carney Chukwuemeka ('51 )
0-3 Serhou Guirassy ('68 )
0-4 Jamie Gittens ('79 )
1-4 Maximilian Eggestein ('88 )

Mainz 1 - 1 Holstein Kiel
0-1 Alexander Bernhardsson ('34 )
1-1 Nelson Weiper ('75 )

Bochum 0 - 4 Stuttgart
0-1 Jeff Chabot ('8 )
0-2 Ermedin Demirovic ('11 )
0-3 Ermedin Demirovic ('48 )
0-4 Ermedin Demirovic ('85 )