Burnley, sem hefur haldið hreinu oftast allra liða á tímabilinu, fékk óvænt á sig mark eftir fimm mínútna leik er Haji Wright skoraði en Jaidon Anthony var ekki lengi að svara fyrir Burnley.

Hann skoraði rúmum ellefu mínútum síðar og gerði síðan sigurmarkið í upphafi síðari hálfleiks. Eftir leikinn fékk Frank Lampard, stjóri Coventry, að líta rauða spjaldið fyrir að hafa sagt eitthvað við dómarateymi leiksins. Mikill hiti var í leiknum og eitthvað um umdeildarákvarðanir en nú er ljóst að Lampard verður í banni í næsta leik.

Sigurinn kom Burnley á toppinn með 84 stig þegar sex umferðir eru eftir af deildinni. Liðið hefur ekki tapað í 27 leikjum í röð og batt í leiðinni enda á fjögurra leikja sigurhrinu Coventry á heimavelli.

Leeds gerði á meðan svekkjandi 1-1 jafntefli við Luton á Kenilworth Road.

Isaiah Jones tók forystuna fyrir Luton á 15. mínútu áður en Daniel James jafnaði metin.

Manor Solomon fékk algert dauðafæri til að landa sigrinum fyrir Leeds. Hann kom sér í frábæra stöðu til að skora og var í raun erfiðara að klúðra því en að skora, en tókst ekki að setja boltann á rammann.

Leeds fer niður í 3. sæti deildarinnar með 82 stig aðeins tveimur stigum frá toppnum.

Trai Hume skoraði sigurmark Sunderland í 1-0 sigrinum á WBA og er liðið á leið í umspil. Sunderland er í 4. sæti með 75 stig en WBA einu sæti fyrir neðan umspilið með 57 stig.

Úrslit og markaskorarar:

Coventry 1 - 2 Burnley
1-0 Haji Wright ('5 )
1-1 Jaidon Anthony ('16 )
1-2 Jaidon Anthony ('46 )

Luton 1 - 1 Leeds
1-0 Isaiah Jones ('15 )
1-1 Daniel James ('28 )

West Brom 0 - 1 Sunderland
0-1 Trai Hume ('35 )