Hollenski þjálfarinn Erik ten Hag er meðal áhorfenda á leik Roma og Juventus í Seríu A á Ítalíu sem ýtir undir þann orðróm að hann sé að taka við Roma.
Ten Hag hefur verið án starfs síðan í nóvember er hann var rekinn frá Manchester United.
Hann hefur verið að skoða möguleikana en það er talinn ágætis líkur á því að hann sé á leið í ítalska boltann.
Hollendingurinn er staddur á leik Roma og Juventus í Seríu A, en hann er þar í boði Friedkin Group sem á meirihluta í Roma. Hann gistir þá á sama hóteli og þeir Victor Nelsson og Anass-Salah Eddine gistu á þegar þeir voru að ganga í raðir félagsins í janúar.
Gazzetta dello Sport heldur því þó fram að Roma hefur ekki hafið formlegar viðræður við Ten Hag eða umboðsmann hans.
Claudio Ranieri er þjálfari Roma í dag en mun líklega fara frá félaginu í sumar. Hann var hættur í þjálfun en ákvað að snúa aftur í nóvember til að hjálpa Roma og gerði þá samning út tímabilið.
???????????? Erik ten Hag is at the Roma vs Juventus match tonight. (@francescoiucca) pic.twitter.com/HQoOE1CwQ3
— EuroFoot (@eurofootcom) April 6, 2025
Athugasemdir
