Birkir Már Sævarsson verður í þjálfarateymi KH í sumar
Hallgrímur Dan Daníelsson og Birkir Már Sævarsson þjálfa KH í 3. deild karla í sumar en þetta var tilkynnt á Facebook-síðu félagsins í kvöld.
Arnar Steinn Einarsson hefur þjálfað KH síðustu ár en þarf að hverfa frá vegna mikilla anna á öðrum vígstöðum.
KH átti gott tímabil í 3. deildinni á síðasta tímabili og endaði í fimmta sæti og nú er undir nýjum þjálfurum komið að gera enn betur.
Hallgrímur Dan Daníelsson og Birkir Már Sævarsson taka við keflinu en Hallgrímur er með UEFA B gráðu á meðan Birkir er að stíga sín fyrstu skref í þjálfun.
Hallgrímur hefur undanfarin ár þjálfað yngri flokka Vals við góðan orðstír.
Birkir Már er byrunarliðsmaður í Val og hefur þá verið lykilmaður í íslenska landsliðinu síðustu ár.
Þú getur keypt Birki Má í þitt Draumalið!
Athugasemdir
