Eggert Gunnþór Jónsson.
Martin Hermannsson, besti körfuboltmaður þjóðarinnar, skaut á það fyrr í kvöld að Eggert Gunnþór Jónsson fengi að spila með FH í Bestu deildinni á meðan lögreglan rannsakar mál hans.
„Er eðlilegt að menn sem eru undir lögreglurannsókn vegna grófs kynferðisofbeldis séu í byrjunarliði í @bestadeildin," skrifaði Martin á Twitter.
Eggert og Aron Einar Gunnarsson eru sakaðir um kynferðisbrot þegar þeir voru í landsliðsverkefni í Kaupmannahöfn fyrir rúmum áratug.
Rannsókn lögreglu lauk fyrir rúmum mánuði og fór málið í framhaldinu til ákærusviðs lögreglunnar sem sendi embætti héraðssaksóknara málið undir lok síðasta mánaðar. Ekki hefur komið fram hvort verði gefin út ákæra í málinu eða ekki. Þeir neita báðir sök.
Ólafur Jóhannesson, þjálfari FH, var í viðtali við Stöð 2 Sport eftir tap gegn Víkingum í kvöld þar sem hann var beðinn um svör við spurningu Martins. „Ég svara því ekki," sagði Ólafur.
Arnar Sveinn segir það ekki eðlilegt
Arnar Sveinn Geirsson, formaður Leikmannasamtaka Íslands, tjáði sig um málið á Twitter. Hann segir það ekki eðlilegt að Eggert spili á meðan rannsókn er í gangi.
„Nei, það er mjög óeðlilegt. Sama um hvern ræðir, sama um hvers konar ofbeldismál er að ræða, að þá ætti það að vera mjög skýr og eðlileg krafa að viðkomandi spili ekki á meðan lögreglurannsókn er opin og í gangi," segir Arnar.
Sjá einnig:
Martin spyr hvort það sé eðlilegt að Eggert sé að spila
Hér að neðan má sjá viðtal Fótbolta.net við Ólaf eftir leikinn í kvöld.
Nei, það er mjög óeðlilegt. Sama um hvern ræðir, sama um hvers konar ofbeldismál er að ræða, að þá ætti það að vera mjög skýr og eðlileg krafa að viðkomandi spili ekki á meðan lögreglurannsókn er opin og í gangi. https://t.co/ASOsUOhm7A
— Arnar Sveinn (@arnarsveinn) April 18, 2022
Athugasemdir
