Marcos Alonso leikmaður Barcelona spilaði sem miðvörður við hlið Jules Kounde og síðar Gerard Pique þegar liðið sigraði Villarreal í spænsku deildinni í kvöld.
Alonso er vanur því að spila sem vinstri bakvörður en Xavi stjóri Barcelona var ánægður með frammistöðu spænska leikmannsins í kvöld.
„Hann aðlagast miðvarðarstöðunni fullkomlega. Hann var mjög góður í dag sem og öll varnarlínan, Alba, Sergi (Roberto) og Jules (Kounde)," sagði Xavi.
Alonso gekk til liðs við Barcelona frá Chelsea í sumar en hann hefur leikið þrjá leiki fyrir félagið.
Athugasemdir
