Guðný Árnadóttir lék allan leikinn í gríðarlega fjörugum sigri AC Milan gegn Juventus í efstu deild ítalska kvennaboltans.
Sænska landsliðskonan Kosovare Asllani skoraði fyrstu tvö mörk leiksins og var staðan orðin 4-1 fyrir Milan þegar Sara Björk Gunnarsdóttir kom inn af bekknum hjá Juve.
Juve náði að minnka muninn niður í 4-3 eftir innkomu Söru Bjarkar en jöfnunarmarkið kom aldrei og niðurstaðan 4-3 sigur fyrir Milan.
Juve er í fjórða sæti með 14 stig eftir 7 umferðir á meðan Milan er í fimmta sæti með 12 stig eftir þennan sigur.
Milan 4 - 3 Juventus
1-0 K. Asllani ('24)
2-0 K. Asllani ('25)
2-1 A. Bonfantini ('31)
3-1 M. Piemonte ('32)
4-1 M. Mesjasz ('62)
4-2 C. Girelli ('70)
4-3 C. Girelli ('95)
Þá fóru tveir leikir fram í enska kvennaboltanum þar sem Manchester City vann sinn annan leik í röð eftir að hafa byrjað tímabilið á tveimur tapleikjum.
City heimsótti Tottenham og vann sannfærandi 0-3 sigur á meðan Everton komst yfir gegn Aston Villa og náði að þrauka til leiksloka.
Frábær sigur hjá Everton sem er með 9 stig eftir fimm umferðir.
Tottenham 0 - 3 Man City
Aston Villa 0 - 1 Everton
