Það voru ekki margir sem bjuggust við sigri Nottingham Forest þegar Liverpool kíkti í heimsókn í fyrsta leik dagsins í ensku úrvalsdeildinni.
Nýliðarnir unnu þó 1-0 og komu sér um leið af botni deildarinnar. Jürgen Klopp, knattspyrnustjóri Liverpool, var svekktur að leikslokum enda höfðu hans menn unnið þrjá leiki í röð fyrir daginn í dag.
„Ég er eins lágt niðri og hægt er að vera," sagði Klopp eftir tapið. „Ef ég á að vera heiðarlegur þá er þetta er gríðarlegt högg, ég skil engan veginn hvernig okkur tókst að tapa þessum leik.
„Við vildum koma hingað og ná í þrjú stig og hefðum átt að gera það undir eðlilegum kringumstæðum."
Liverpool er 11 stigum eftir toppliði Arsenal, sem á leik til góða á morgun, og er að glíma við mikið af meiðslavandræðum. Thiago Alcantara vaknaði með eyrnasýkingu í morgun og þá voru Luis Diaz, Joel Matip, Naby Keita, Ibrahima Konate og Darwin Nunez þegar fjarverandi vegna meiðsla.
„Við erum búnir að spila þrjá mjög erfiða leiki á innan við viku og ekki með allan leikmannahópinn til taks. Því er ekki hægt að breyta, við verðum að þrauka í gegnum þetta. Við áttum að klára sóknirnar okkar betur í dag.
„Nottingham Forest er frábært lið og Steve Cooper frábær stjóri en við þurftum að vinna hérna í dag."
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 29 | 21 | 7 | 1 | 69 | 27 | +42 | 70 |
| 2 | Arsenal | 28 | 15 | 10 | 3 | 52 | 24 | +28 | 55 |
| 3 | Nott. Forest | 28 | 15 | 6 | 7 | 45 | 33 | +12 | 51 |
| 4 | Chelsea | 28 | 14 | 7 | 7 | 53 | 36 | +17 | 49 |
| 5 | Man City | 28 | 14 | 5 | 9 | 53 | 38 | +15 | 47 |
| 6 | Newcastle | 28 | 14 | 5 | 9 | 47 | 38 | +9 | 47 |
| 7 | Brighton | 28 | 12 | 10 | 6 | 46 | 40 | +6 | 46 |
| 8 | Aston Villa | 29 | 12 | 9 | 8 | 41 | 45 | -4 | 45 |
| 9 | Bournemouth | 28 | 12 | 8 | 8 | 47 | 34 | +13 | 44 |
| 10 | Fulham | 28 | 11 | 9 | 8 | 41 | 38 | +3 | 42 |
| 11 | Crystal Palace | 28 | 10 | 9 | 9 | 36 | 33 | +3 | 39 |
| 12 | Brentford | 28 | 11 | 5 | 12 | 48 | 44 | +4 | 38 |
| 13 | Tottenham | 28 | 10 | 4 | 14 | 55 | 41 | +14 | 34 |
| 14 | Man Utd | 28 | 9 | 7 | 12 | 34 | 40 | -6 | 34 |
| 15 | Everton | 28 | 7 | 12 | 9 | 31 | 35 | -4 | 33 |
| 16 | West Ham | 28 | 9 | 6 | 13 | 32 | 48 | -16 | 33 |
| 17 | Wolves | 28 | 6 | 5 | 17 | 38 | 57 | -19 | 23 |
| 18 | Ipswich Town | 28 | 3 | 8 | 17 | 26 | 58 | -32 | 17 |
| 19 | Leicester | 28 | 4 | 5 | 19 | 25 | 62 | -37 | 17 |
| 20 | Southampton | 28 | 2 | 3 | 23 | 20 | 68 | -48 | 9 |
