Pep Guardiola, stjóri Manchester City, svaraði spurningum eftir 3-2 sigur gegn Liverpool í 8-liða úrslitum deildabikarsins í gærkvöldi.
Kalvin Phillips var ekki í leikmannahópi Man City og var Guardiola spurður út í fjarveru miðjumannsins, sem hefur fengið lítinn sem engan spiltíma á leiktíðinni vegna axlarmeiðsla.
„Hann er ekki meiddur, hann kom til baka frá Katar í yfirþyngd og við skiljum ekki hvers vegna. Hann er ekki í standi til að taka þátt á æfingum með liðsfélögunum eða spila fótboltaleiki," sagði Guardiola.
John Stones, Phil Foden og Jack Grealish fóru einnig með enska landsliðinu á HM og tóku þeir allir þátt í sigrinum gegn Liverpool.
Phillips kom við sögu í tveimur leikjum á HM, 3-0 sigrum gegn Senegal og Wales.
„Kalvin er mikilvægur fyrir okkur og hann mun spila þegar hann er í standi til þess. Við þurfum á honum að halda sem fyrst, við þurfum virkilega mikið á honum að halda."
Man City heimsækir Leeds í ensku úrvalsdeildinni 28. desember og segir Guardiola að Ruben Dias verði heldur ekki með vegna meiðsla aftan í læri.
City er í toppbaráttu ásamt Arsenal og búast flestir við því að Englandsmeisturunum takist að verja titilinn frá því á síðustu leiktíð.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 27 | 19 | 7 | 1 | 64 | 26 | +38 | 64 |
| 2 | Arsenal | 26 | 15 | 8 | 3 | 51 | 23 | +28 | 53 |
| 3 | Nott. Forest | 26 | 14 | 5 | 7 | 44 | 33 | +11 | 47 |
| 4 | Chelsea | 27 | 13 | 7 | 7 | 52 | 36 | +16 | 46 |
| 5 | Man City | 26 | 13 | 5 | 8 | 52 | 37 | +15 | 44 |
| 6 | Newcastle | 26 | 13 | 5 | 8 | 46 | 36 | +10 | 44 |
| 7 | Bournemouth | 27 | 12 | 7 | 8 | 45 | 32 | +13 | 43 |
| 8 | Brighton | 27 | 11 | 10 | 6 | 44 | 39 | +5 | 43 |
| 9 | Fulham | 27 | 11 | 9 | 7 | 40 | 36 | +4 | 42 |
| 10 | Aston Villa | 28 | 11 | 9 | 8 | 40 | 45 | -5 | 42 |
| 11 | Brentford | 26 | 11 | 4 | 11 | 47 | 42 | +5 | 37 |
| 12 | Crystal Palace | 27 | 9 | 9 | 9 | 35 | 33 | +2 | 36 |
| 13 | Tottenham | 26 | 10 | 3 | 13 | 53 | 38 | +15 | 33 |
| 14 | Everton | 26 | 7 | 10 | 9 | 29 | 33 | -4 | 31 |
| 15 | Man Utd | 26 | 8 | 6 | 12 | 30 | 37 | -7 | 30 |
| 16 | West Ham | 26 | 8 | 6 | 12 | 30 | 47 | -17 | 30 |
| 17 | Wolves | 27 | 6 | 4 | 17 | 37 | 56 | -19 | 22 |
| 18 | Ipswich Town | 26 | 3 | 8 | 15 | 24 | 54 | -30 | 17 |
| 19 | Leicester | 26 | 4 | 5 | 17 | 25 | 59 | -34 | 17 |
| 20 | Southampton | 27 | 2 | 3 | 22 | 19 | 65 | -46 | 9 |
