James Maddison, leikmaður Leicester City á Englandi, hellti úr skálum reiði sinnar á Twitter vegna tæklingar sem átti sér stað hjá unglingaliði félagsins, en hann vill að enska sambandið herði reglurnar frekar.
Hinn 17 ára gamli Will Alves verður frá næstu níu mánuði eftir hafa fótbrotnað eftir hrottalega tæklingu í enska unglingabikarnum fyrir tveimur dögum.
Alves var með boltann á vallarhelmingi andstæðinganna og einn leikmaður í honum. Alves missti jafnvægið áður en leikmaður Wolves fór með löppina viljandi út og í legginn á honum.
Maddison, sem spilar fyrir aðallið Leicester, var gríðarlega ósáttur við þessa tæklingu og tjáði sig um það á Twitter.
„Ég var ekki viss hvort ég ætti að koma fram opinberlega og ræða þetta en mér finnst að það þurfi að skoða þetta nánar. Þessi tækling á ekki að sjást og er ekki ásættanleg. Ég er í rusli fyrir unga Will. Frábær strákur með bjarta framtíð sem þarf núna að fara í endurhæfingu eftir þessa hrottalegu tæklingu,“ sagði Maddison á Twitter.
Heartbreaking - Leicester City’s Will Alves will be out for 9 months after a horrific tackle by Wolves player in the FA Youth Cup. Confirmed he has damaged his ACL ???? pic.twitter.com/TxXyaTioem
— TheSecretScout (@TheSecretScout_) December 23, 2022
Athugasemdir
