Mario Balotelli er að ganga í raðir Genoa á Ítalíu en hann mun gangast undir læknisskoðun á mánudag. Þetta segir ítalski blaðamaðurinn Gianluca Di Marzio.
Hinn uppátækjasami Balotelli hefur verið án félags síðan í sumar en þá yfirgaf hann tyrkneska félagið Adana Demirspor.
Undanfarna mánuði hefur hann verið orðaður við félög um allan heim en hann gat ekki hafnað tækifærinu að snúa aftur í Seríu A.
Di Marzio segir að Genoa hafi náð samkomulagi við Balotelli og heldur hann síðan í læknisskoðun á mánudag áður en hann skrifar undir.
Samningurinn mun gilda út tímabilið og mun hann þéna um 400-500 þúsund evrur.
Genoa á möguleika á að rifta ef Balotelli uppfyllir ekki ákveðin skilyrði samningsins.
Balotelli er 34 ára gamall og á 36 A-landsleiki að baki fyrir ítalska landsliðið. Genoa verður ellefta félagið sem hann mun spila með á ferlinum og það sjötta á Ítalíu.
Athugasemdir