Dortmund hefur ekki byrjað tímabilið vel í Þýskalandi en liðið er í sjöunda sæti með þrettán stig eftir átta umferðir.
Liðið tapaði þriðja leiknum sínum í gær þegar liðið mætti Augsburg. Dortmund komst snemma yfir en tvö mörk frá Alexis Claude-Maurice tryggðu Augsburg sigurinn.
Florian Plettenberg hjá Sky í Þýskalandi greinir frá því að forráðamenn Dortmund eru ekki búnir að missa trúna á Nuri Sahin, stjóra liðsins, og ætla því ekki að gera breytingar sem stendur.
Sahin kom í þjálfarateymi Edin Terzic í desember á síðasta ári en var ráðinn stjóri liðsins í sumar.
Athugasemdir
