Axel Óskar Andrésson í leik gegn ÍA.
Óskar Hrafn Þorvaldsson.
„Ég get ekki svarað því. Ég veit ekki neitt um það," sagði Dean Martin aðstoðarþjálfari ÍA þegar hann var spurður út í það hvort Skagamenn hefðu áhuga á tveimur leikmönnum KR.
Sagan segir að ÍA hafi áhuga á að fá varnarmanninn Axel Óskar Andrésson og miðjumanninn Alex Þór Hauksson. Báðir komu þeir heim úr atvinnumennsku og gengu í raðir KR fyrir þetta tímabil en hafa fengið talsverða gagnrýni, sérstaklega þegar illa gekk hjá Versturbæingum fyrir ráðninguna á Óskari Hrafni Þorvaldssyni.
Sagan segir að ÍA hafi áhuga á að fá varnarmanninn Axel Óskar Andrésson og miðjumanninn Alex Þór Hauksson. Báðir komu þeir heim úr atvinnumennsku og gengu í raðir KR fyrir þetta tímabil en hafa fengið talsverða gagnrýni, sérstaklega þegar illa gekk hjá Versturbæingum fyrir ráðninguna á Óskari Hrafni Þorvaldssyni.
Alex skoraði eitt af mörkum KR í 7-0 sigrinum gegn HK í gær en athygli vakti að hann lék sem miðvörður í leiknum.
ÍA endaði í fimmta sæti Bestu deildarinnar og var lengi í baráttu um Evrópusæti.
„Þetta er búið að vera ágætis tímabil. Væntingarnar á Akranesi eru alltaf að verða meiri og meiri og við verðum að gera betur á næsta ári. Framtíðin er björt," sagði Dean Martin að auki eftir leikinn í gær.
Viðræður í gangi við þá alla
Óskar Hrafn þjálfari KR ræddi við Fótbolta.net eftir leikinn gegn HK og var spurður út í stöðuna á þremur leikmönnum sem eru að verða samningslausir hjá KR; Aron Þórður Albertsson, Guy Smit og Atli Sigurjónsson. Verður framlengt við þá?
„Það eru viðræður í gangi við alla þessa aðila og það verður bara að koma í ljós hvað kemur út úr því," sagði Óskar. Hann hefur fengið til sín urmul leikmanna fyrir næsta tímabil g telur spennandi tíma framundan í Vesturbænum.
„Við teljum það, við teljum okkur vera á leiðinni að búa til öflugan hóp þar sem hver og einn leikmaður getur ýtt hinum áfram og búið til alvöru samkeppni með þessum kjarna KR-inga. Það er mikilvægt að vera með KR-inga og frábært að fá Theodór Elmar sem aðstoðarþjálfara. Ég hlakka til að byrja aftur."
Athugasemdir
