Skagamaðurinn Ísak Bergmann Jóhannesson átti flottan leik í annars svekkjandi 4-3 tapi Fortuna Düsseldorf gegn Kaiserslautern í þýsku B-deildinni í kvöld.
Ísak er fastamaður í liði Düsseldorf og hefur verið síðan hann kom frá danska félaginu FCK á síðasta ári.
Í kvöld skoraði hann og lagði upp en hann gerði mark sitt úr vítaspyrnu á 35. mínútu og jafnaði þá leikinn í 1-1.
Sjáðu vítaspyrnumark Ísaks
Düsseldorf tók forystuna snemma í síðari hálfleiknum en fékk síðan á sig þrjú mörk á níu mínútum.
Í uppbótartíma lagði Ísak upp þriðja mark heimamanna með löngum bolta fram völlinn á Felix Klaus sem skoraði, en það kom of seint og lokatölur 4-3 fyrir Kaiserslautern.
Sjáðu stoðsendingu Ísaks
Þetta var aðeins annað tap Düsseldorf í deildinni á þessu tímabili en liðið er áfram á toppnum með 20 stig eftir tíu leiki. Valgeir Lunddal Friðriksson var ekki með liðinu í dag vegna meiðsla.
Elías Már Ómarsson var í byrjunarliði NAC Breda sem vann 4-1 sigur á Waalwijk í hollensku úrvalsdeildinni. Keflvíkingurinn skoraði bæði mörk liðsins í 2-1 sigrinum á PEC Zwolle í síðustu umferð en náði ekki að komast á blað í kvöld.
Það skipti hann líklega litlu máli enda var þetta þriðji sigur Breda í röð og eru nýliðarnir nú í 7. sæti með 15 stig eftir tíu leiki.
Athugasemdir