Stærsti leikur ársins í íslenska boltanum fer fram klukkan 18:30 í kvöld er Víkingur og Breiðabliks eigast við í lokaumferð Bestu deildar karla í Víkinni. Bæði lið eiga möguleika á að verða Íslandsmeistari.
Ríkjandi meistarar Víkings eru á toppnum með 59 stig eins og Breiðablik sem er í öðru sæti.
Munurinn er að Víkingur er með +11 í markatölu á Blika. Það þýðir að ef Breiðablik ætlar að verða meistari þá þarf liðið að vinna í kvöld, en Víkingum dugir jafntefli.
Félögin hafa skapað mikinn ríg síðustu ár og er óhætt að kalla þau erkifjendur í dag.
Það gerir þennan leik enn stærri. Tíu ár eru liðin frá því að Stjarnan varð Íslandsmeistari eftir að hafa unnið FH, 2-1, í Kaplakrika. Bæði lið gátu orðið Íslandsmeistari í lokaumferðinni, en Stjarnan vann eftir dramatík og umdeildar ákvarðanir.
Eins og áður kom fram fer leikur Víkings og Breiðabliks fram klukkan 18:30 og er hann í beinni útsendingu á Stöð 2 Sport.
U23 ára landslið kvenna mætir þá Finnlandi í vináttuleik ytra en hann hefst klukkan 10:00 og er í beinni útsendingu á Youtube-rás finnska fótboltasambandsins.
Leikir dagsins:
Besta-deild karla - Efri hluti
18:30 Víkingur R.-Breiðablik (Víkingsvöllur)
U23 landslið kvenna:
10:00 Finnland - Ísland
Besta-deild karla - Efri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 27 | 19 | 5 | 3 | 63 - 31 | +32 | 62 |
| 2. Víkingur R. | 27 | 18 | 5 | 4 | 68 - 33 | +35 | 59 |
| 3. Valur | 27 | 12 | 8 | 7 | 66 - 42 | +24 | 44 |
| 4. Stjarnan | 27 | 12 | 6 | 9 | 51 - 43 | +8 | 42 |
| 5. ÍA | 27 | 11 | 4 | 12 | 49 - 47 | +2 | 37 |
| 6. FH | 27 | 9 | 7 | 11 | 43 - 50 | -7 | 34 |
Athugasemdir
