West Ham vann dramatískan sigur á Man Utd í úrvalsdeildinni í dag. Tottenham tapaði gegn Crystal Palace og Cole Palmer tryggði Chelsea sigur á Newcastle.
Man Utd var með mikla yfirburði í fyrri hálfleik og hreint með ólíkindum að staðan hafi verið markalaus í hálfleik. Diogo Dalot fékk dauðafæri en skaut boltanum framhjá á opið markið. Þá átti Bruno Fernandes skot í slá.
Julen Lopetegui, stjóri West Ham, gerði þrefalda skiptingu í hálfleik og það var allt annað að sjá til þeirra. Crysencio Summerville kom m.a. inn á og hann kom West Ham yfir þegar hann stýrði boltanum í netið eftir slakt skot frá Danny Ings.
Joshua Zirkzee byrjaði á bekknum hjá Man Utd en hann kom inn á sem varamaður og tveimur mínútum síðar kom hann að marki þegar Casemiro stýrði boltanum í netið eftir skalla frá Zirkzee.
David Coote dómari komst loksins að niðurstöðu um að dæma vítaspyrnu á Mathijs de Ligt fyrir brot á Danny Ings eftir að hafa skoðað atvikið vel í VAR. Jarrod Bowen fór á punktinn og skoraði og tryggði West Ham sigurinn. Tólf mínútur voru í uppbótatíma en Man Utd tókst ekki að nýta sér það.
Chelsea vann Newcastle á Brúnni. Nicolas Jackson kom Chelsea yfir en Cole Palmer átti frábæra sendingu innfyrir vörn Newcastle á Pedro Neto sem lagði markið upp. Alexander Isak jafnaði metin fyrir Newcastle áður en flautað var til loka fyrri hálfleiks.
Palmer náði forystunni á ný fyrir Chelsea snemma í seinni hálfleik. Isak var nálægt því að jafna metin þegar stundafjórðungur var til loka venjulegs leiktíma en hann var of lengi að athafna sig einn á móti marki.
Jean-Phillipe Mateta tryggði Crystal Palace sinn fyrsta sigur á tímabilinu gegn Tottenham eftir mikinn vandræðagang í vörninni.
Chelsea 2 - 1 Newcastle
1-0 Nicolas Jackson ('18 )
1-1 Alexander Isak ('32 )
2-1 Cole Palmer ('47 )
Crystal Palace 1 - 0 Tottenham
1-0 Jean-Philippe Mateta ('31 )
West Ham 2 - 1 Manchester Utd
1-0 Crysencio Summerville ('74 )
1-1 Casemiro ('81 )
2-1 Jarrod Bowen ('90 , víti)
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Man City | 9 | 7 | 2 | 0 | 20 | 9 | +11 | 23 |
| 2 | Liverpool | 9 | 7 | 1 | 1 | 17 | 5 | +12 | 22 |
| 3 | Arsenal | 9 | 5 | 3 | 1 | 17 | 10 | +7 | 18 |
| 4 | Aston Villa | 9 | 5 | 3 | 1 | 16 | 11 | +5 | 18 |
| 5 | Chelsea | 9 | 5 | 2 | 2 | 19 | 11 | +8 | 17 |
| 6 | Brighton | 9 | 4 | 4 | 1 | 16 | 12 | +4 | 16 |
| 7 | Nott. Forest | 9 | 4 | 4 | 1 | 11 | 7 | +4 | 16 |
| 8 | Tottenham | 9 | 4 | 1 | 4 | 18 | 10 | +8 | 13 |
| 9 | Brentford | 9 | 4 | 1 | 4 | 18 | 18 | 0 | 13 |
| 10 | Fulham | 9 | 3 | 3 | 3 | 12 | 12 | 0 | 12 |
| 11 | Bournemouth | 9 | 3 | 3 | 3 | 11 | 11 | 0 | 12 |
| 12 | Newcastle | 9 | 3 | 3 | 3 | 9 | 10 | -1 | 12 |
| 13 | West Ham | 9 | 3 | 2 | 4 | 13 | 16 | -3 | 11 |
| 14 | Man Utd | 9 | 3 | 2 | 4 | 8 | 11 | -3 | 11 |
| 15 | Leicester | 9 | 2 | 3 | 4 | 13 | 17 | -4 | 9 |
| 16 | Everton | 9 | 2 | 3 | 4 | 10 | 16 | -6 | 9 |
| 17 | Crystal Palace | 9 | 1 | 3 | 5 | 6 | 11 | -5 | 6 |
| 18 | Ipswich Town | 9 | 0 | 4 | 5 | 9 | 20 | -11 | 4 |
| 19 | Wolves | 9 | 0 | 2 | 7 | 12 | 25 | -13 | 2 |
| 20 | Southampton | 9 | 0 | 1 | 8 | 6 | 19 | -13 | 1 |
